ავტორიზაცია
შესაძლოა, საუდგეიტმა ყატარში გასამართ მუნდიალზე აუცრელი ფეხბურთელები არ წაიყვანოს
ინგლისის ეროვნული ნაკრების მთავარმა მწვრთნელმა 2022 წლის მსოფლიო ჩემპიონატზე შესაძლოა აუცრელი ფეხბურთელები არ წაიყვანოს.
როგორც ცნობილი ბრიტანული გაზეთი Daily Mail-ი იტყობინება, გარეტ საუდგეიტი ასეთ ვარიანტს განიხილავს.
გავრცელებული ინფორმაციით, მიზეზი ყატარში არსებული კორონავირუსული წესებია.
ინგლისის ნაკრების აუცრელ ფეხბურთელებს ქვეყანაში შესვლის შემდეგ 5-დღიანი თვითიზოლაცია მოუწევთ, რაც იმას ნიშნავს, რომ დიდი ალბათობით, ირანთან მატჩს გამოტოვებენ.
მოგეხსენებათ, ყატარში გასამართი მუნდიალი სტარტს 21 ნოემბერს აიღებს და 18 დეკემბრამდე გასტანს.
