შევჩენკოს უკრაინის ნაკრებიდან წასვლის შემდეგ პირველი მსურველი გამოუჩნდა

უკრაინის ნაკრების ყოფილი მთავარი მწვრთნელი, ანდრეი შევჩენკო თურქეთის ეროვნული გუნდის ჩაბარების ერთ-ერთი კანდიდატია, იტყობინება ცნობილი გერმანული გამოცემა Kicker.

გარდა 44 წლის სპეციალისტისა, თურქები შტეფან კუნტცის მიწვევის ვარიანტსაც განიხილავენ, რომელიც ამჟამად გერმანიის 21-წლამდელთა ნაკრებს უდგას სათავეში.

აღსანიშნავია, რომ კუნტცი თურქეთში უკვე ჩავიდა, იგი ქვეყნის ფეხბურთის ფედერაციამ მიიწვია, თუმცა მხარეებს არანაირი შეთანხმებისთვის არ მიუღწევიათ.

თურქებს აქამდე შენოლ გიუნეში წვრთნიდა, თანამდებობა მან 2022 წლის მსოფლიო ჩემპიონატის შესარჩევი ეტაპის ეგიდით ჰოლანდიასთან (1:6) განადგურების შემდეგ დატოვა.

თავის მხრივ, შევჩენკო უკრაინის ნაკრებს სათავეში 2016 წლიდან ედგა, მისი ხელმძღვანელობით გუნდმა ევრო 2020-ის 1/4 ფინალში გააღწია.

ცნობილი გახდა შევჩენკოს უკრაინის ნაკრებიდან წასვლის ზუსტი მიზეზი