ბიზნესის ჩემპიონთა ლიგა 2015/16: ოქროს და ვერცხლის სტარტი » GOAL.GE - ფეხბურთი | fexburti

ბიზნესის ჩემპიონთა ლიგა 2015/16: ოქროს და ვერცხლის სტარტი


1 ნოემბერს, ახალმა სპორტის სასახლემ, ბიზნესის ჩემპიონთა ლიგის 2015/16 წ.წ სეზონის ოქროს და ვერცხლის ლიგების პირველი ტურის შეხვედრებს უმასპინძლა. მერვე სეზონის რიგით მესამე სათამაშო დღე, ვერცხლის ლიგის დაპირისპირებით დაიწყო, რომელშიც ერთმანეთის წინააღმდეგ საქრუსენერგოსა და ბიპი ჯორჯიას გუნდები წარსდგნენ. დაძაბული შეხვედრა, „ენერგეტიკების“ გამარჯვებით 3-2 დასრულდა. ამავე ლიგაში კიდევ ოთხი შეხვედრა გაიმართა. ჩემპიონატის დებიუტანტების დაპირისპირებაში, „ალიანს ჯორჯიამ“ 5-0 სძლია „ავერსს“. დიდი ანგარიშით დამარცხდა კიდევ ერთი დებიუტანტი „თეთრი ქუდი“ რომელმაც თბილისის მერიის გუნდთან დათმო 2-8.  გამარჯვებით დაიწყო სეზონი ტატიშვილის სამედიცინო ცენტრის გუნდმა, რომელმაც ბაქსვუდის საერთაშორისო სკოლის გუნდი დაამარცხა 4-0. პირველი ტურის ყველაზე გამორჩეული დაპირისპირება „საბანკო დერბიში“ გაიმართა, სადაც ვითიბი ბანკმა 3-1 სძლია ბანკ რესპუბლიკას. 020 01.11.2015. ვერცხლის ლიგა. I ტური BP GEORGIA - საქრუსენერგო 2-3 ალიანს ჯორჯია - ავერსი 5-0 ვითიბი ბანკი - ბანკი რესპუბლიკა 3-1 თბილისის მერია - თეთრი ქუდი 8-2 ბაქსვუდი - ტატიშვილის სამედიცინო ცენტრი 0-4 პირველი ტურის მატჩები გაიმართა ოქროს ლიგაშიც. შარშანდელი ჩემპიონი, ნატახტარი თბილისის სატრანსპორტო კომპანიის გუნდს დაუპირისპირდა და 3-0 დაამარცხა. ორ წლიანი პაუზის შემდეგ ლიგაში დაბრუნება, გამარჯვებით აღნიშნა საპატრულო პოლიციის გუნდმა, რომელმაც შარშანდელ ფინალისტს ევროპაბეთს  4-2 სძლია.  ფრედ, 2-2 დასრულდა ჯორჯიან ვოთერ ენდ პაუერისა და საქართველოს ბანკის დაპირისპირება. აღსანიშნავია, რომ „ბანკირები“ კარგად მოთამაშე მეტოქესთან 0-2 მარცხდებოდნენ, თუმცა მატჩის გადარჩენა მაინც მოახერხეს. ყველაზე დაძაბული და საინტერესო კი საქართველოს ფოსტისა და ვესტ ინვესტის დაპირისპირება გამოდგა. გარდამავალი უპირატესობით მიმდინარე შეხვედრა საბოლოოდ „ფოსტალიონების“ გამარჯვებით, 3-2 დასრულდა. 01.11.2015. ოქროს ლიგა. I ტური TTC - ნატახტარი 0-3 პატრული - ევროპაბეთი 4-2 GWP - საქართველოს ბანკი 2-2 ვესტ ინვესტი - საქართველოს ფოსტა 2-3 *კრედო პირველ ტურში ისვენებდა კორპორატიული ლიგების მომდევნო ტურის შეხვედრები 15 ნოემბერს გაიმართება, მანამდე კი 8 ნოემბერს მეორე ტურის მატჩებს სუპერლიგა A და სუპერლიგა B -ს გუნდები გამართავენ. 06 (1) ბიზნესის ჩემპიონთა ლიგის გენერალური პარტნიორია „ვითიბი ბანკი“. ჩემპიონატის ტექნიკური პარტნიორია, ესპანური სპორტული ბრენდი JOMA. ღონისძიების პარტნიორები და მხარდამჭერები არიან: სამაუწყებლო კომპანია „რუსთავი 2“, იურიდიული ჯგუფი „ერისთავი და პარტნიორები“, სასტუმრო „ჰოლიდეი ინი“,  Apple City, ვერცხლის ნაკეთობები „შემოინახე მემკვიდრეობა“, „ტატიშვილის სამედიცინო ცენტრი“  და მუსიკალური მაღაზია „GURU music” მედია პარტნიორები: რადიოები, „იმედი“, „კომერსანტი“, „JAKO FM“, ვებ პორტალები, geosports.ge, sportall.ge, worldsport.ge, goal.ge და ყოველკვირეული ჟურნალი „ლელო week”.

 სპორტული სააგენტო SBM-ის პრესსამსახური

 

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები