ოზილი: "რეალში ჩემი საუკეთესო მეგობარი რამოსი იყო, კონტაქტი ახლაც გვაქვს" » GOAL.GE - ფეხბურთი | fexburti

Goal.Ge

ოზილი: "რეალში ჩემი საუკეთესო მეგობარი რამოსი იყო, კონტაქტი ახლაც გვაქვს"


ოზილი:

"არსენალის" ნახევარმცველმა, მესუთ ოზილმა თქვა, რომ "რეალის" კაპიტან სერხიო რამოსთან კონტაქტი დღემდე აქვს.

მოგეხსენებათ, გერმანელი "სამეფო კლუბის" ღირსებას 2010 წლიდან 2013 წლამდე იცავდა.

"როცა "ვერდერიდან", სადაც ნიჭიერი, ახალგაზრდა ფეხბურთელი ხარ, ისეთ დიდ კლუბში გადადიხარ, როგორიც "რეალია", სადაც საუკეთესო ფეხბურთელები თამაშობენ, არაფერს არ წარმოადგენ. "რეალში" თამაშისას, "ბარსელონასთან" ფრეს ისე იხსენებ, როგორც მსოფლიოში მომხდარ ყველაზე ცუდ მოვლენას. თითოეული მატჩის მოგებაა საჭირო".

"თუმცა, სიამოვნებას ვიღებ იმ თამაშით, სადაც შენზე ზეწოლა ხდება. "რეალში" შესანიშნავი დრო გავატარე, კარგი მეგობრები შევიძინე. საუკეთესო მეგობარი სერხიო რამოსი იყო და დღემდე გვაქვს კონტაქტი. შეიძლება, ის მსოფლიოში საუკეთესო მცველია. შესანიშნავი ადამიანი, კარგი მეგობარი და ბრწყინვალე მომღერალი! მას ნამდვილად შესანიშნავი ხმა აქვს", - ციტირებს ოზილის სიტყვებს Tribal Football.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები