"მათ საკმაოდ ტექნიკური ფეხბურთელები ჰყავთ", - შვედეთის ნაკრების მწვრთნელი საქართველოზე
შვედეთის ნაკრების მთავარმა მწვრთნელმა, იანი ანდერსონმა საქართველოსთან მატჩის წინ პრესკონფერენციაზე ისაუბრა.
დღეს, 23:45 საათზე, მსოფლიო ჩემპიონატის შესარჩევი ეტაპის შეხვედრაში სკანდინავიელები საქართველოს უმასპინძლებენ.
"ამ თამაშის წინ საქართველოს ნაკრების წევრებს საკმაოდ ხშირად ვაკვირდებოდით. ვიცით, რომ მათ არა ერთი ტექნიკური მოთამაშე ჰყავთ, რომლებიც საკმაოდ გამოცდილები არიან.
საქართველოს ბოლო პერიოდში არც თუ ისე კარგი შედეგები აქვს და ევროპის ჩემპიონატის ფლეი ოფში დამარცხდა. ასევე, ნაკრები ფიფა-ს რეიტინგშიც დაბალ საფეხურზეა, თუმცა ცხადია, მეტოქე სათანადოდ უნდა იყოს დაფასებული და მათ პატივი ვცეთ", - განაცხადა იანი ანდერსონმა.
კარგი ამბავი - შვედეთს საქართველოსთან მატჩის წინ ერთ-ერთ ლიდერი გამოაკლდა
როგორი იქნება საქართველოს ნაკრების შემადგნელობა შვედეთთან მატჩში?
