"ოქრიაშვილი უფრო ძლიერ ჩემპიონატში გადასვლაზე ფიქრობს", - კვიპროსული პრესა
გამოცემა Protathlima-მ ფამაგუსტას "ანორთოსისის" შემტევის, თორნიკე ოქრიაშვილის შესახებ საკმაოდ საინტერესო ინფორმაცია გაავრცელა:
"ოქრიაშვილი კონცენტრირებულია ანორთოსისზე, თუმცა მიმდინარე სეზონის დასრულებისთვის ის უფრო ძლიერ ჩემპიონატში გადასვლას ეცდება.
ეს ლოგიკურია, რადგან ქართველი თავდამსხმელი არის ერთ-ერთი ყველაზე ძლიერი ფეხბურთელი კვიპროსის ჩემპიონატის ისტორიაში.
მისი და ფამაგუსტელების ურთიერთობა სრულდება სეზონის ბოლოს და უნდა აღინიშნოს, რომ თორნიკე მსურველების ნაკლებობას ნამდვილად არ განიცდის.
ერთ-ერთი მიზეზი, რის გამოც თეთრ-ლურჯები ჩამოშორდნენ საჩემპიონო ბრძოლას არის ამ გუნდის ლიდერის ხანგრძლივი ტრავმა".
შეგახსენებთ, რომ თემურ ქეცბაიას გუნდის ათიანის სახელი უკანასკნელ პერიოდში საკმაოდ აქტიურად ნიქოზიას "ომონიას" დაუკავშირეს.
უკვე გადაწყვეტილია, რომ 29-წლის ფორვარდთან ერთად, "ანორთოსისს" ქართველი დამრიგებელიც დატოვებს, თუმცა მისი შემდეგი სამუშაო ადგილი ჯერჯერობით უცნობია.
ოქრიაშვილი ანორთოსისს ტოვებს - ქართველი შემტევისთვის ბრძოლაში ფავორიტი უკვე გამოიკვეთა
