წრეზე სიარული - რუბინის კომენტარი კვარაცხელიას იუვენტუსში შესაძლო გადასვლის შესახებ

თარიღი: 27 აპრ 2021, 16:10

ყაზანის "რუბინის" გენერალურმა დირექტორმა, რუსტემ საიმანოვმა ხვიჩა კვარაცხელიას ტურინის "იუვენტუსში" შესაძლო ტრანსფერის შესახებ ისაუბრა:

"რუბინის არ მიუღია ოფიციალური წინადადება კვარაცხელიას გაყიდვის თაობაზე, არც იუვენტუსისგან და არც სხვა რომელიმე კლუბისგან.

ის თამაშობს ყაზანში და ჩვენი მიზანი ქართველი შემტევის შენარჩუნების საკითხში არ შეცვლილა", - განაცხადა რუსმა ფუნქციონერმა.

შეგახსენებთ, რომ იტალიურმა პრესამ "ბებერი ქალბატონის" სახელი რუსული გუნდის ლიდერს 26 აპრილს დაუკავშირა.

აპენინელები იმასაც წერდნენ, რომ "ბიანკონერი" 20-წლის ვინგერის სანაცვლოდ "წითელ-მწვანეებს" 20 მილიონ ევროს გადაუხდიდა.

ანდრეა პირლოს გუნდის გარდა, ლეონიდ სლუცკის შეგირდი დაუკავშირეს "ლიდს იუნაიტედს". სწორედ ამ ორ კლუბში გადასვლა ითვლება ყველაზე აქტუალურ თემად.

ყველა სიახლე