[VIDEO] ქართული კლასიკო 19 წლის შემტევის გოლით - დინამომ ტორპედო დაამარცხა
ეროვნული ლიგის მე-11 ტურის მატჩში თბილისის დინამომ საკუთარ მოედანზე ქუთაისის ტორპედო მიიღო და მინიმალური ანგარიშით, 1-0 დაამარცხა.
შეხვედრის ერთადერთი გოლი მეორე ტაიმში, ცვლილებაზე შემოსულმა თორნიკე მორჩილაძემ ლუკა გაგნიძის ეფექტური გადაცემით 65-ე წუთზე გაიტანა. გოლის ავტორი მოედანზე მხოლოდ 63-ე წუთზე შემოვიდა და გოლისთვის 2 წუთი დასჭირდა.
ამ მოგებით დინამო თბილისმა 25 ქულა დააგროვა და 11 ტურის შემდეგ ეროვნულ ლიგას ერთპიროვნულად ლიდერობს. ტორპედო კი 6 ქულით ბოლო, მე-10 ადგილზეა.
მომდევნო მატჩს საქართველოს ჩემპიონები 8 მაისს ბათუმის დინამოს წინააღმდეგ, ბათუმის ცენტრალურ ახალ სტადიონზე გამართავენ.
VIDEO: აჭარული დერბი წარმოუდგენელი შედეგით - დინამო ბათუმმა შუქურა 8:1 გაანადგურა
ანორთოსისმა ქეცბაიას გარეშე ივარჯიშა - ქართველი ექიმების მითითებას ასრულებს