"რომასთან დაიწყო და რომათი ამთავრებს", - ვასილი უტკინის ორიგინალური კომენტარი ჟოზე მოურინიოს ახალ გუნდზე

ცნობილი რუსი ჟურნალისტი და ყოფილი კომენტატორი, ვასილი უტკინი, „რომაში“ ჟოზე მოურინიოს დანიშვნას გამოეხმაურა.

პორტუგალიელი სპეციალისტი იტალიის დედაქალაქურ გუნდს ახალი სეზონიდან ჩაიბარებს, მან გუნდთან 3-წლიანი კონტრაქტი გააფორმა.

„ძალიან ლოგიკური გადაწყვეტილებაა მოურინიოსგან. ის ტოპ-ლიგებში კარიერას რომასთან ერთად იწყებდა (უტკინი აბრამოვიჩს გულისხმობს, „ჩელსის“ მფლობელს) და „რომათიც“ დაასრულებს.“ - წერს უტკინი თავის ტელეგრამ-არხზე.

ბოლო ორი წელია, „რომას" ასევე პორტუგალიელი პაულუ ფონსეკა წვრთნის, რომელიც გუნდს სეზონის ბოლოს ოფიციალურად დატოვებს.

შეგახსენებთ, რომ პორტუგალიელ მწვრთნელს იტალიაში მუშაობის კარგი გამოცდილება უმაგრებს ზურგს - 2007-2009 წლებში ის „ინტერში" მუშაობდა და გუნდთან ერთად უდიდეს წარმატებებს მიაღწია, ისეთებს, როგორიცაა - სერია ა-ს მოგება (2-ჯერ) და ჩემპიონთა ლიგის თასის აწევაც.

ოფიციალურად: ახალი სეზონიდან, ჟოზე მოურინიო იტალიურ გრანდს ჩაიბარებს

"ჩვენი ამბიციები დაემთხვა", - ჟოზე მოურინიოს პირველი კომენტარი ახალ გუნდში დანიშვნის შემდეგ