"ბუფონის გადაწყვეტილების შესახებ რამდენიმე თვის წინ გავიგეთ", - იუვენტუსის დირექტორი

როგორც მოგეხსენებათ, მიმდინარე სეზონის დასრულების შემდეგ, ტურინის "იუვენტუსს" ჯანლუიჯი ბუფონი დატოვებს.

აღნიშნულ ფაქტთან დაკავშირებით კომენტარი გააკეთა "ბებერი ქალბატონის" სპორტულმა დირექტორმა, ფაბიო პარატიჩიმ:

"ბუფონმა იუვენტუსიდან წასვლის შესახებ საჯაროდ ისაუბრა რამდენიმე დღის წინ, თუმცა ჩვენ ამის შესახებ რამდენიმე თვით ადრეც ვიცოდით.

ის არის იტალიური სპორტის სიმბოლო, როგორც როსი და პალტრინიერი. შეუძლებელია ჯიჯის არ დაფასება", - განაცხადა იტალიელმა.

ჯერჯერობით უცნობია, თუ სად გააგრძელებს იტალიელი მეკარე კარიერას, ცნობილია მხოლოდ ის, რომ ფეხბურთიდან წასვლას ის არ აპირებს.

დამშვიდობებაც ასეთი უნდა! - ბუფონი იუვენტუსს მორიგი რეკორდით ტოვებს

ბარსელონას გარდა, ბუფონს კარიერის გაგრძელების კიდევ 5 ვარიანტი აქვს — იტალიური პრესა