"ეს იყო პირველი შემთხვევა, როდესაც რონალდუ მოედნიდან გასვლით ბედნიერი ჩანდა", - პირლო

ტურინის "იუვენტუსის" მთავარმა მწვრთნელმა, ანდრეა პირლომ მილანის "ინტერთან" შეხვედრაში კრიშტიანუ რონალდუს მოედნიდან გაყვანის შესახებ ისაუბრა:

"ვფიქრობ, ეს იყო პირველი შემთხვევა, როდესაც რონალდუ მოედნიდან გასვლის შემდეგ ბედნიერი ჩანდა. დიახ, გასახდელში ის იღიმებოდა.

პორტუგალიელმა თავდამსხმელმა უბრალოდ გააცნობიერა ის ფაქტი, რომ იუვენტუსი თამაშობდა კაცნაკლული და დაცვაში გვჭირდებოდა გაძლიერება.

მოხარული ვარ, რომ მიზანს მივაღწიეთ და ჩემპიონთა ლიგის ზონაში მოხვედრისთვის ბრძოლაში დავრჩით", - განაცხადა იტალიელმა.

შეგახსენებთ, "ბებერი ქალბატონი" ახლა არის მეოთხე ადგილზე, თუმცა დღეს, "ნაპოლის" გამარჯვების შემთხვევაში, სერია ა-ს ექს-ჩემპიონი კვლავ მე-5 ადგილზე დაბრუნდება.

რონალდუს აგენტი სპორტინგში შესაძლო დაბრუნებაზე გავრცელებულ ინფორმაციას გამოეხმაურა

სუპერ მატჩი ტურინში — 10-კაციანმა იუვენტუსმა ჩემპიონ ინტერს უმნიშვნელოვანესი მატჩი მოუგო!