"დეშამი ნებისმიერ შემთხვევაში გამარჯვებული გამოვა", - ვალბუენას კომენტარი ბენზემას ნაკრებში დაბრუნებაზე

საფრანგეთის ნაკრების ექს-ნახევარმცველმა, მატიე ვალბუენამ, კარიმ ბენზემას ნაკრებში დაბრუნებაზე კომენტარი გააკეთა.

შეგახსენებთ, რომ სწორედ ვალბუენასთან 2015 წელს მომხდარი სკანდალის გამო მოკვეთეს ბენზემა ნაკრებიდან და 6 წლის მანძილზე არ იძახებდნენ.

„არანაირი კომენტარი არ მაქვს. თუ მას საფრანგეთის ნაკრების გაუმჯობესება შეუძლია, ეს გუნდისთვის კარგია. მეტს ვერაფერს ვიტყვი, ეს მწვრთნელის არჩევანია.

ჩემი აზრით, დეშამი ამ სიტუაციიდან ნებისმიერ შემთხვევაში გამარჯვებული იქნება. თუ ყველაფერი გაამართლებს, ვიტყვით, რომ დეშამი რთულ სიტუაციას მოერგო და მაინც გაიმარჯვა. თუ არა - მას არ დაადანაშაულებენ. დიდიემ იცის, როგორ შეარჩიოს შემადგენლობა.“ - აღნიშნა ბერძნული „ოლიმპიაკოსის“ ფეხბურთელმა.

გამოძიებამ ბენზემას დასდო ბრალი იმაში, რომ 2015 წელს, მან შუამავლის როლი შეასრულა და ვალბუენას ინტიმური ვიდეოს გავრცელების მუქარით, ფულს სძალავდა.

შეგახსენებთ, რომ ბენზემა ნაკრებში ევროპის ჩემპიონატისთვის გამოიძახეს. 

მბაპემ საფრანგეთის ნაკრებში ბენზემას დაბრუნებაზე პირველი განცხადება გააკეთა

ფოტო: მბაპე საფრანგეთის ნაკრებში ბენზემას დაბრუნებას გამოეხმაურა