"ვინ არის ყველა დროის საუკეთესო ფეხბურთელი? ამის შესახებ კამათიც არ ღირს", - ვიდალი

თარიღი: 22 May 2021, 12:23

მილანის "ინტერის" ცენტრალურმა ნახევარმცველმა, არტურო ვიდალმა დაასახელა ფეხბურთელი, რომელიც მისი აზრით, ყველა დროის საუკეთესოა:

"მესის ვინმესთან შედარებაც კი არ ღირს, რადგან ის ფეხბურთის ისტორიაში საუკეთესო მოთამაშეა. ლეო უბრალოდ სხვა პლანეტიდან არის.

დამიჯერეთ, კარგად ვიცი, რის შესახებაც ვსაუბრობ - ის იყო როგორც ჩემი თანაგუნდელი, ისე მოწინააღმდეგეც", - განაცხადა ჩილელმა.

შეგახსენებთ, არგენტინელი შემტევი და "ნერაძურის" ჰავბეკი ერთად თამაშობდნენ 2018-2020 წლებში, როდესაც ეს უკანასკნელი კატალონიაში ასპარეზობდა.

აქვე დავამატებთ, ჯერჯერობით გაურკვეველია, თუ რა ბედი ელის "ბლუგრანას" კაპიტანს - დარჩენა თუ სხვა გუნდში გადასვლა.

ყველა სიახლე