დარჩა ვინმე? - 20 გუნდი, რომლის სახელს მთელი სეზონის მანძილზე კვარაცხელიას უკავშირებდნენ

თარიღი: 22 May 2021, 12:51

მომავალი ზაფხულის ყველაზე აქტუალური და მოსალოდნელი ქართული ტრანსფერი უდავოდ ხვიჩა კვარაცხელიას ყაზანის "რუბინიდან" წასვლა იქნება.

ისმის მარადიული კითხვა - სად გადავა ქართველი შემტევი? გასული წლის შემოდგომიდან დღემდე, მისი სახელი 20 ევროპულ კლუბს დაუკავშირეს.

"წითელ-მწვანეები" მთელი სეზონის განმავლობაში გამორიცხავდნენ თავიანთი ვინგერის წასვლას, თუმცა სეზონის ბოლოსკენ კლუბმა აღიარა, რომ მოთამაშის შენარჩუნება არ იქნება მარტივი.

ამის გარდა, ცეცხლზე ნავთი დაასხა 20-წლის გარემარბის მამამ, ბადრიმ, რომელმაც განაცხადა, რომ მისი შვილი "ქვებს" აუცილებლად დატოვებდა.

კვარაცხელია უფროსმა მოგვიანებით აღნიშნული ინფორმაცია გამორიცხა, თუმცა ფეხბურთის გულშემტკივრებს არ ეპარებათ ეჭვი იმაში, რომ ლეონიდ სლუცკის გუნდის 21-ე ნომერი ხვაგან გადავა.

ქვემოთ წარმოგიდგენთ იმ 20 გუნდს, რომლის სახელს მთელი სეზონის განმავლობაში კვარაცხელიას უკავშირებდნენ. აქვე დავამატებთ, "რუბინი" ქართველს 30 მილიონად აფასებს.

ესპანეთის ლა ლიგა - სევილია

ინგლისის პრემიერ ლიგა - ევერტონი, ლიდსი

იტალიის სერია ა - იუვენტუსი, ინტერი, მილანი, ნაპოლი, ატალანტა, ლაციო, სასუოლო, უდინეზე, ტორინო

გერმანიის ბუნდესლიგა - ბაიერნი, დორტმუნდი, გლადბახი

საფრანგეთის ლიგა 1 - მონაკო

ჰოლანდიის ერედივიზიონი - აიაქსი

რუსეთის პრემიერ ლიგა - ზენიტი

თურქეთის სუპერ ლიგა - გალათასარაი

საბერძნეთის სუპერ ლიგა - ოლიმპიაკოსი

კვარაცხელია ჩემპიონთა ლიგის 3-გზის გამარჯვებულ მწვრთნელთან? - რუსული პრესა კვლავ ხვიჩაზე წერს