კვარაცხელიასთვის ბრძოლაში სევილიას ერთ-ერთი გრანდი ეცილება - ესპანური პრესა
ზაფხულის სატრანსფერო ფანჯრის მოახლოებასთან ერთად, ხვიჩა კვარაცხელიას ყაზანის "რუბინიდან" წასვლა უფრო და უფრო აქტუალური ხდება.
Todofichajes.com-ის ინფორმაციით, ქართველი შემტევისთვის ბრძოლაში ფავორიტი არის ორი კლუბი - ტურინის "იუვენტუსი" და "სევილია".
ანდალუსიურმა კლუბმა რუსებს ოფიციალური წინადადებით უკვე მიმართა, მოლაპარაკეკების პროცესში პირადად რამონ მონჩი მონაწილეობდა.
"ბებერ ქალბატონს" თავის მხრივ გააჩნია გარკვეული ფინანსური უპირატესობა და "დალაქებისგან" განსხვავებით, იტალიელებს "წითელ-მწვანეების" ვინგერის ფასი არ აფრთხობთ.
როგორც ცნობილია, "რუბინმა" თავისი 20-წლის გარემარბის სანაცვლოდ ევროპული კლუბებისგან 30 მილიონი ევრო მოითხოვა.
ყაზანში არ უარყოფენ იმ ფაქტს, რომ ზაფხულის სატრანსფერო ფანჯრის პერიოდში კლუბს თავისი 21-ე ნომრის შენარჩუნება გაუჭირდება.
რაც შეეხება თავად კვარაცხელიას პოზიციას, მას რუსეთის დატოვება მტკიცედ აქვს გადაწყვეტილი. დაველოდოთ მოვლენების განვითარებას.
"კვარაცხელია რუსეთის ჩემპიონატის საუკეთესო ფეხბურთელია", - რუბინის მეკარე
ხვიჩას მამის მოულოდნელი განცხადება: "რუბინიდან წასვლის აუცილებლობა არ არის"
