ქართულ კლუბში დაბრუნება 14 წლის შემდეგ - ცხადაძე დინამო თბილისს გაწვრთნის

თარიღი: 26 May 2021, 21:10

საქართველოს ნაკრების ყოფილი თავკაცი კახაბერ ცხადაძე დინამო თბილისს გაწვრთნის.

GOAL.GE-ს ინფორმაციით, მხარეები შეთანხმდნენ და კონტრაქტიც მალე გაფორმდება.

კახაბერ ცხადაძისთვის საქართველოს ჩემპიონატში დაბრუნება 14-წლიანი პაუზის შემდეგ მოხდება. ბოლოს იგი ქართულ კლუბს, ბოლნისის სიონს 2007 წელს წვრთნიდა.

დინამო თბილისის ბოლო მწვრთნელი გიორგი ნემსაძე იყო, რომელიც გუნდში დანიშვნიდან 6 თვეში გაათავისუფლეს.

ეროვნული ლიგის 15 ტურის შემდეგ დინამო თბილისი ცხრილში 31 ქულით მე-2 პოზიციაზეა.

ყველა სიახლე