ბენზემა: "ჟირუსთან კონფლიქტი წარსულში დარჩა"

თარიღი: 31 May 2021, 11:20

გასულ წელს კარიმ ბენზემას ჰკითხეს ოლივიე ჟირუსთან შედარების შესახებ, რაზეც მან განაცხადა, რომ არ ღირს ფორმულა 1-ის კარტინგთან შედარება.

საფრანგეთის ეროვნულ ნაკრებში დაბრუნების შემდეგ კი მადრიდის "რეალის" თავდამსხმელს აღნიშნული ფრაზა გაახსენეს, მისი პასუხი გამოდგა ასეთი:

"ჟირუს შევხვდი ჯერ კიდევ ჩემპიონთა ლიგის ნახევარფინალში, რომელშიც რეალი ჩელსის ეთამაშებოდა. ხუთი წუთის განმავლობაში ვსაუბრობდით.

ჩვენი კონფლიქტი დარჩა წარსულში, რაც ითქვა, ითქვა, ახლა ყველაზე მნიშვნელოვანი საფრანგეთის ნაკრებია", - განაცხადა "სამეფო კლუბის" 9-იანმა.

შეგახსენებთ, რომ წარმოშობით ალჟირელი ფორვარდი "მამლების" შემადგენლობაში ექვსწლიანი პაუზის შემდეგ დაბრუნდა.

ყველა სიახლე