პიკე: "იმედი მაქვს ის ბარსელონაში გადმოვა, რადგან საუკეთესოები აქ უნდა თამაშობდნენ"
"ბარსელონას" ცენტრალურ მცველს, ხერარდ პიკეს იმედი აქვს, რომ დორტმუნდის "ბორუსიას" თავდამსხმელი, ერლინგ ჰოლანდი სწორედ მის გუნდში გადმოვა.
"იმედი მაქვს, რომ ჰოლანდი გადმოვა ბარსელონაში და არა სხვა გუნდში. ტოპ-ფეხბურთელები სწორედ ჩვენთან უნდა თამაშობდნენ და ის სწორედ ასეთია.
სიმართლე გითხრათ, არ ვიცი, თუ რამდენად შესაძლებელია ნორვეგიელი თავდამსხმელის გადმობირება, საბოლოო გადაწყვეტილება ბლაუგრანაზეა".
შეგახსენებთ, რომ "შავ-ყვითლების" ფორვარდის სახელს უკანასკნელ პერიოდში ლონდონის "ჩელსისა" და "მანჩესტერ სიტის" უკავშირებენ.
აქვე დავამატებთ, რომ მომავალი სეზონის დასრულების შემდეგ, ვესტფალიელთა ცხრიანის ყიდვა 75 მილიონ ევროდ იქნება შესაძლებელი.
არაა გამორიცხული, რომ სკანდინავიელი შემტევის მსურველთა რიცხვში კატალონიელთა მარადიული მოწინააღმდეგე, მადრიდის "რეალიც" აღმოჩნდეს.
