[VIDEO] დიდი სენსაცია: დინამო თბილისი საკუთარ მოედანზე სამგურალთან დამარცხდა
ეროვნული ლიგის მე-19 ტურში ქვეყნის ჩემპიონი დინამო თბილისი სამგურალს დაუპირისპირდა და სენსაციურად, 1-2 დამარცხდა.
ანგარიში სოსო ფრუიძის შეგირდებმა პირველივე წუთზე გახსნეს. ირაკლი ლექვთაძემ სერგო კუხიანიძის პასი გამოიყენა.
ორამდე გაზარდეს წყალტუბოელებმა ანგარიში მე-17 წუთზე. პაპუნა ფონიავამ როინ კვასხვაძეს შესანიშნავი საჯარიმო დარტყმა გაუტანა.
შეხვედრის საბოლოო ანგარიში მეორე ტაიმში, მე-60 წუთზე გიორგი გაბედავამ თერთმეტმეტრიანი დარტყმით დააფიქსირა.
აღსანიშნავია, რომ სამგურალი 67-ე წუთის შემდეგ 10 კაცით იყო. გუნდს ლუქმან გილმორი გაუძევეს.
ოფიციალურ შეხვედრებში დინამო თბილისი სამგურალს მიმდინარე სეზონში ორჯერ შეხვედრა და სტატისტიკა იმერელთა სასარგებლოდ ასეთია: 2 მოგება და 1 ფრე.
19 ტურის შემდეგ ეროვნულ ლიგას 39 ქულით ერთპიროვნულად დინამო ბათუმი ლიდერობს, 38 ქულით მე-2 პოზიციაზეა თბილისის დინამო.
