ავტორიზაცია
ჰაკიმის პსჟ-ში მოსალოდნელი გადასვლა ინტერმაც ოფიციალურად დაადასტურა
მილანის "ინტერის" მარჯვენა მცველი, აშრაფ ჰაკიმი კარიერას "პარი სენ-ჟერმენში" გააგრძელებს. აღნიშნული ინფორმაცია დაადასტურა "ნერაძურის" გენერალურმა დირექტორმა, ბეპე მაროტამ:
"ჰაკიმი გადავა პარი სენ-ჟერმენში, გარიგების ბოლო დეტალებზე ვმუშაობთ. ყველაფერი ალბათ უახლოეს 24 საათში დასრულდება.
იმედი მაქვს, ინტერს აღარ მოუწევს წამყვანი ფეხბურთელების სატრანსფერო ბაზარზე გაყიდვა", - განაცხადა იტალიელმა ფუნქციონერმა.
გავრცელებული ინფორმაციით, "პსჟ"-ს მაროკოელი ვინგბექი დაუჯდება 75 მილიონი ევრო და კიდევ ხუთ მილიონს "გველები" ბონუსად მიიღებენ.
მადრიდის "რეალის" აღზრდილმა "ჯუზეპე მეაცაზე" ჩაატარა სულ რაღაც ერთი სეზონი, რომლის მიმდინარეობისას მან სკუდეტო მოიგო.
