ნეფჩისთან მატჩის წინ - ვიქტორ მონხილმა დინამო თბილისი დატოვა

28 წლის ესპანელმა ცენტრალურმა მცველმა ვიქტორ მონხილმა დინამო თბილისი დატოვა.

GOAL.GE-ს ამის შესახებ ინფორმაცია ესპანელმა მცველმა დაუდასტურა და თქვა, რომ გუნდს წასვლის თხოვნით თავად მიმართა, ინიციატორი ფეხბურთელი იყო.

"სამწუხაროდ, ჩემი პირადი პრობლემების გამო მომიწია სამშობლოში დაბრუნება. გუნდს ვთხოვე და მათ მოისმინეს ჩემი თხოვნა, კონტრაქტი ორმხრივი შეთანხმების საფუძველზე გაწყდა," - გვითხრა მონხილმა.

3 დღეში დინამო თბილისი ჩემპიონთა ლიგაზე ბაქოს ნეფჩის ეთამაშება, ხალხი ტრანსფერების მოლოდინშია, დინამო თბილისიდან კი ძირითადი შემადგენლობის ფეხბურთელი წავიდა.

მიმდინარე სეზონში ვიქტორ მონხილმა დინამო თბილისის მაისურით 19-ჯერ ითამაშა.

ნიკოლოზ ქუთათელაძემ რუსეთის მოქალაქეობა მიიღო

აქტივი გახსნა - კვარაცხელიამ სეზონის პირველი გოლი გაიტანა!