რამდენ მილიონს გადაიხდის კოპენჰაგენი ხოჭოლავას ტრანსფერში?
საქართველოს ნაკრების მცველი დავით ხოჭოლავა კარიერას დანიურ კოპენჰაგენში გააგრძელებს.
ამის შესახებ GOAL.GE-მ ექსკლუზიურად უკვე გაცნობათ და გითხრათ, რომ მხარეებს შორის 4-წლიანი ხელშეკრულება გაფორმდა. ქართველი მცველი დანიაში სამედიცინო შემოწმების გასავლელად და კონტრაქტის გასაფორმებლად გაფრინდება.
EXCLUSIVE: ხოჭოლავამ შახტარი დატოვა - ქართველის ახალი გუნდი ცნობილია!
როგორც GOAL.GE-სთვის ცნობილია, კოპენჰაგენი შახტარს ხოჭოლავას ტრანსფერში 4 მილიონს გადაუხდის. დასაწყისში 2 მილიონს, ხოლო შემდეგ ბონუსების სახით 2 მილიონ ევროს.
გასული სეზონი კოპენჰაგენისთვის წარუმატებელი აღმოჩნდა, გუნდი ჩემპიონატში მე-4 პოზიციაზე გავიდა, წელი უტიტულოდ დაასრულა, ახლა კი მათი მთავარი მიზანი ტიტულების დაბრუნება იქნება.
დავით ხოჭოლავა შახტარში 2017 წლიდან თამაშობდა, სადაც უკრაინული ჩერნომორეციდან გადავიდა. ფეხბურთელმა ამ დროის განმავლობაში დონეცკელთა მაისურით 95-ჯერ ითამაშა.
