წარმატებული დებიუტი სლოვანში - ქართველებმა ჩემპიონთა ლიგაზე მოგებით დაიწყეს
ჩემპიონთა ლიგის პირველ საკვალიფიკაციო ეტაპზე ბრატისლავის სლოვანი საკუთარ მოედანზე შემროკ როვერსს დაუპირისპირდა და 2-0 მოუგო.
აღნიშნულ შეხვედრაში სლოვანის შემადგენლობაში ოფიციალური დებიუტი ჰქონდათ ქართველ ფეხბურთელებს გურამ კაშიასა და ჯაბა კანკავას. საქართველოს ნაკრების კაპიტანი 73-ე წუთზე შეცვალეს, ხოლო კაშიამ შეუცვლელად ითამაშა.
სლოვანის მწვრთნელი ვლადიმირ ვაისია, რომელიც საქართველოს ნაკრებში კაშიასთან და კანკავასთან ერთად 5 წლის განმავლობაში მუშაობდა.
გურამ კაშია და ჯაბა კანკავა სლოვაკეთის ჩემპიონს სწორედ მიმდინარე წლის ზაფხულში შეუერთდნენ და დედაქალაქურ გუნდთან 2-წლიანი ხელშეკრულებები გააფორმეს.
სლოვანი მომდევნო ეტაპზე გასვლის შემთხვევაში შვეიცარიულ იანგ ბოიზს ხვდება.