VIDEO: ბარსელონას ყოფილი კაპიტანი, რომელიც რეალში გადავიდა - ვინ არის ის?

თარიღი: 13 Jul 2021, 20:53

როგორც მოგეხსენებათ, "ბარსელონას" 19-წლამდელთა გუნდის ახლა უკვე ყოფილი კაპიტანი, ხაუმე ხარდი მადრიდის "რეალში" გადავიდა.

კატალონიელი შემტევი "სამეფო კლუბს" შეუერთდა თავისუფალი აგენტის სტატუსით, ანუ სრულიად უფასოდ და ის თავდაპირველად ითამაშებს კასტილიაში, რაულ გონსალესთან.

"ბლანკოსის" ახალწვეული ვინგერი "ბლაუგრანას" სხვადასხვა ასაკობრივ გუნდებში თამაშობდა 2016-2021 წლებში და მან ერთი მატჩი ესპანეთის იუნორთა ნაკრებშიც ჩაატარა.

ესპანელი გარემარბისთვის ყველაზე პროდუქტიული გამოდგა გასული სეზონი, რომელშიც მან "ლურჯ-ბროწეულისფერი" მაისურით გაიტანა 9 გოლი და გააკეთა 3 ასისტი. გთავაზობთ 19-წლის ფლანგელის ჰაილაითებს სიახლის ზედა ნაწილში.