კვარაცხელიას ტრანსფერზე წინადადება 3 გუნდისგან მივიღეთ - რუბინის დირექტორი
ყაზანის რუბინის სპორტულმა დირექტორმა ოლეგ იაროვინსკიმ დაადასტურა, რომ გუნდმა მიიღო ოფიციალური წინადადებები რამდენიმე ევროპული დიდი გუნდისგან ხვიჩა კვარაცხელიას ტრანსფერის თაობაზე.
"მის ტრანსფერთან დაკავშირებული ისტორიები ჯერ კიდევ წინა სეზონის დასრულებამდე დაიწყო, ეს ბუნებრივია, როცა ხვიჩა კვარაცხელიას დონის ტალანტი გყავს. ბევრი კლუბია, რომელიც მის ტრანსფერზე ინტერესს იჩენს. ასეთი დიდი გარიგებისთვის საჭიროა ცაზე ყველა ვარსკვლავი საჭირო წყობით განლაგდეს. მისი ტრანსფერი 4 ევროპულ ტოპ-კლუბს სურს, შეიძლება ითქვას 3.5, რამდენიმე მათგანისგან ოფიციალური წინადადებაც მივიღეთ, დანარჩენი უკვე კონსულტაციების და მოლაპარაკებების რეჟიმია.
იმაზე საუბარი, თუ აქამდე რატომ არ გავყიდეთ კვარაცხელია იგივეა, იკითხო, რატომ არ მოდის თოვლი ივლისში?," - განაცხადა ოლეგ იაროვინსკიმ.
საქართველოს ნაკრების ნახევარმცველ ხვიჩა კვარაცხელიას ყაზანის რუბინი 20 მილიონ ევროდ აფასებს.
