ავტორიზაცია
უკვე ოფიციალურად: რომერო ტოტენჰემის ფეხბურთელია
ოფიციალურად დადასტურდა, რომ ლონდონის "ტოტენჰემმა" დახურა ბერგამოს "ატალანტას" ახლა უკვე ყოფილი ცენტრალური მცველის, კრისტიან რომეროს ტრანსფერი.
"ჰოტსპურს" არგენტინელი უკანახაზელი დაუჯდება 50 მილიონი ევრო და კიდევ დამატებით ხუთ მილიონს "ქალღმერთი" ბონუსის სახითაც მიიღებს. ყველაფერი გადაწყდა.
შეგახსენებთ, გასული სეზონი "დეზების" ახალწვეული ცენტრბექისთვის გამოდგა საოცრად პროდუქტიული - ის სერია ა-ში დაასახელეს საუკეთესოდ თავის პოზიციაზე, ზაფხულში კი მან არგენტინის ნაკრებთან ერთად კოპა ამერიკა მოიგო.
პრესაში ვრცელდებოდა ინფორმაცია, თითქოს 23-წლის მცველის ხილვა ძალიან სურდა "ბარსელონაში" ლიონემ მესის, მანამ, სანამ ის მშობლიური კლუბიდან არ წავიდოდა.
