დონარუმა: "კეილორ ნავასი შესანიშნავი მეკარეა, მაგრამ მე პსჟ-ში მოვედი იმისთვის, რომ ვითამაშო"
„პარი სენ ჟერმენის“ გოლკიპერმა, ჯანლუიჯი დონარუმამ, პარიზულ გუნდში გადასვლაზე ისაუბრა.
„პსჟ დამიკავშირდა და ჩემი გადაბირების სურვილი გამოთქვა, მე კი ამ გუნდში მინდოდა გადასვლა.
კონკურენცია არ მაშინებს. კეილორ ნავასი - შესანიშნავი მეკარეა, მაგრამ აქ იმისთვის ვარ, რომ ვითამაშო.
კონკურენცია ორივესთვის სასარგებლოა, ეს მომატებაში დამეხმარება. ტოპ-გუნდებში ის ყოველთვის არსებობს, ასე რომ ეს პრობლემა არ იქნება. ის შესანიშნავი პიროვნებაა, მეგობრები ვართ.
მინდა, მსოფლიოში ერთ-ერთ საუკეთესო მეკარედ ვიქცე. საამისოდ კი რაღაც უნდა შეწირო, იშრომო და თავმდაბალი დარჩე - ეს ყველაზე მთავარია.“ - აღნიშნა დონარუმამ.
ევრო 2020-ს საუკეთესო ფეხბურთელი „პარი სენ ჟერმენს“ „მილანიდან“ თავისუფალი აგენტის სტატუსით შეუერთდა, მას შემდეგ რაც მშობლიურ გუნდთან კონტრაქტის გახანგრძლივებაზე უარი თქვა.