ავტორიზაცია
ბარცალი: "დიბალა იუვენტუსის ლიდერად უნდა ჩამოყალიბდეს"
ტურინის "იუვენტუსის" ყოფილმა ცენტრალურმა მცველმა, ანდრეა ბარცალიმ, პაულო დიბალას შესახებ საკმაოდ საინტერესო განცხადება გააკეთა. იტალიელი ვეტერანის აზრით, არგენტინელი "ბებერი ქალბატონის" ლიდერი უნდა გახდეს:
"დიბალა არის ფეხბურთელი, რომელსაც მეტი თავდაჯერებულობა სჭირდება. მან უკვე გვაჩვენა, თუ როგორი ნიჭიერი მოთამაშეა. ველი არგენტინელი თავდამსხმელის პროგრესს.
მისი შემდეგი ნაბიჯი უნდა იყოს იუვენტუსის ლიდერობა და სწორედ ამის შემდეგ გახდება ის ერთ-ერთი საუკეთესო. ცვლილებების დროა", - განაცხადა "ბიანკონერის" ექს-უკანახაზელმა.
შეგახსენებთ, რომ "იუვენტუსი" მუშაობს თავისი ფორვარდის კონტრაქტის გახანგრძლივებაზე, თუმცა ფინანსური საკითხების გამო, შეთანხმების მიღწევა ჯერ ვერ ხერხდება.
