ავტორიზაცია
რომელი გუნდების წინააღმდეგ ვერ გაიტანა გოლი მესიმ ბარსელონას მაისურით?
ლიონელ მესის "ბარსელონას" მაისურით სხვადასხვა ტურნირებზე საერთო ჯამში 89 გუნდის წინააღმდეგ უთამაშია. აქედან არის მხოლოდ რვა გუნდი, რომლის კარის აღება არგენტინელმა ვერ შეძლო.
ეს გუნდებია მილანის "ინტერი", ლისაბონის "ბენფიკა", "უდინეზე", ყაზანის "რუბინი", "რეალ მურსია", "ხერესი", "გრამენეტი" და "ალ-სადი". აღსანიშნავია, რომ "ნერაძურისა" და რუსებს ლეო საერთო ჯამში 4-ჯერ შეხვდა.
ცნობისთვის, "უდინეზესთან", "რუბინსა" და "გრამენეტთან" კატალონიელთა ყოფილ კაპიტანს საგოლე გადაცემაც არ გაუკეთებია. ვნახოთ, შეძლებს თუ არა სამხრეთ ამერიკელი რევანშის აღებას უკვე "პსჟ"-ში.
რაც შეეხება 34-წლის თავდამსხმელის "ფავორიტს", ასეთი არის "სევილია", რომელმაც მისგან 43 შეხვედრაში 38 გოლი მიიღო. შემდეგ მოდის მადრიდის "ატლეტიკო" (32 გოლი) და "ვალენსია" (31 გოლი).
