ავტორიზაცია
"ჩვენთვის ეს დიდი დარტყმა იყო", - კუმანის თქმით, გუნდში მესის ჩანაცვლებას მემფის დეპაი შეეცდება
„ბარსელონას“ მთავარმა მწვრთნელმა რონალდ კუმანმა, ლეო მესის „პსჟ-ში’ გადასვლაზე ისაუბრა.
„ეს ყველასთვის უდიდესი დარტყმა იყო. სეზონი მესის გუნდში ყოფნის გათვალისწინებით იგეგმებოდა. ლეო ძალიან მოტივირებული იყო.
მსოფლიოს საუკეთესო ფეხბურთელის დაკარგვა აი ასე - ძალიან მტკივნეულია. მხოლოდ მესი კი არა, კლუბის სიმბოლო დავკარგეთ. ეჭვგარეშეა, მემფის დეპაიმ შესაძლოა მისი ჩანაცვლება სცადოს.
მას აქვს ის, რაც აქ წარმატების მისაღწევად არის საჭირო: ინდივიდუალიზმი და ხასიათი. მასში არის რაღაც განსაკუთრებული.“ - ციტირებს კუმანის სიტყვებს Sport.es.
დეპაი „ბარსას“ ამ ზაფხულს „ლიონიდან“ თავისუფალი აგენტის სტატუსით შეუერთდა და ლა ლიგის სამ ტურში ორი გოლის გატანა მოახერხა.
