ავტორიზაცია
"ბურთით საინტერესოდ ვითამაშეთ" - სანიოლი ბულგარეთთან მარცხის შემდეგ
ამხანაგურ მატჩში ბულგარეთთან სამარცხვინო მარცხის(4-1) შემდეგ საქართველოს ნაკრების მთავარმა მწვრთნელმა ვილი სანიოლმა კომენტარი გააკეთა.
"წარმოუდგენელია, როგორ შეიძლება ერთ მატჩში ამდენი რაოდენობის შეცდომა დაუშვა. ვფიქრობ, ჩვენი პირველი ტაიმი მეორეს ჯობდა. რთულია, ამ მარცხის შემდეგ რამე პოზიტიური ვთქვა ჩვენს შესახებ. ბურთით საინტერესოდ ვითამაშეთ.
თუ სტანდარტულ სიტუაციებზე ვსაუბრობთ, მათი ჯარიმა გოლად იქცა, ჩვენი მიზანს რამდენიმე სანტიმეტრით აცდა. მსურს ბულგარეთს ხარისხიანი ფეხბურთით მოგება მივულოცო, ისინი სწორ რელსებზე ბრუნდებიან," - განაცხადა ვილი სანიოლმა.
საქართველოს ნაკრები მომდევნო მატჩს 9 ოქტომბერს, საბერძნეთთან ბათუმში გამართავს.
