"ის წაგიყვანთ ისეთ ადგილას, სადაც თვალებს ვერ დაუჯერებთ", - კარაგერმა რონალდუ და მესი შეადარა ერთმანეთს
„ლივერპულის“ ექს-ფეხბურთელმა კეიმი კარაგერმა კრიშტიანუ რონალდუ და ლეო მესი შეადარა ერთმანეთს.
„სხვადასხვანაირ გოლებზეა საუბარი, თუმცა მნიშვნელობა არ აქვს, როგორ ხვდება ბურთი ბადეში, იქნება ეს ჯარიმა თუ თავური. მესის გოლებში რონალდუზე კარგი შედეგები აქვს. ის ფლეიმეიქერიც არის, თამაშის წაყვანაც შეუძლია, რონალდუ ამას ვერ აკეთებს.
მესიმ ცვლილებაზე შემოსვლის შემდეგ ორჯერ მეტი გოლი გაიტანა. სულერთია, რომ ყველა გოლი მარცხენათი აქვს გატანილი, სტატისტიკა ამტკიცებს, რომ მას გოლის მეტი შანსი ეძლევა.
მახასიათებლების თვალსაზრისით რონალდუ უფრო სრულყოფილი ფეხბურთელია. მას შეუძლია გააკეთოს ის, რასაც მესი ვერ აკეთებს, თუნდაც არამუშა ფეხის ან ნახტომების გამოყენება.
მაგრამ მესიმ შეიძლება წაგიყვანოს ისეთ ადგილას, სადაც ვერ დაიჯერებ იმას, რასაც ხედავ. რონალდუ რასაც აკეთებს - სხვებსაც შეუძლიათ და მესი აკეთებს იმას, რაც აქამდე არასდროს გინახავთ.“ - ციტირებს კარაგერის სიტყვებს Sky Sports.
