ავტორიზაცია
"მამარდაშვილმა გამოსვლა დააგვიანა" - ბორდალასი მეორე გაშვებულ გოლზე
ლა ლიგის მე-5 ტურის ცენტრალურ მატჩში ვალენსიასა და მადრიდის რეალის მატჩი დედაქალაქელთა გამარჯვებით, 2-1 დასრულდა.
აღნიშნულ მატჩში ვალენსიას კარში ქართველი მეკარე გიორგი მამარდაშვილი იდგა, რომელმაც 8 სეივი განახორციელა, თუმცა მატჩის მიწურულს 2 ბურთი გაუშვა, მეორეში კი მისი ბრალეულობაც დიდი იყო.
"მამარდაშვილმა მეორე გოლის დროს გამოსვლა დააგვიანა, ბენზემამ კი მომენტი იდეალურად შეასრულა. კარიმის დონის ფორვარდები ასეთ შეცდომებს არ პატიობენ," - განაცხადა ვალენსიას მთავარმა მწვრთნელმა ხოსე ბორდალასმა.
მიმდინარე სეზონში ვალენსიას 5-ვე ოფიციალურ მატჩში "ღამურების" სასტარტო შემადგენლობაში 20 წლის ქართველმა მეკარემ ითამაშა. იგი გუნდს მიმდინარე წლის ზაფხულში დინამო თბილისიდან შეუერთდა.
