ვიერი: "ჰოლანდის შემდეგი გუნდის შესახებ უკვე შემატყობინეს"
მილანის "ინტერის" ყოფილმა თავდამსხმელებმა, კრისტიან ვიერიმ და ანტონიო კასანომ Twitch-ზე სხვადასხვა სატრანსფერო სიახლეები გაარჩიეს. იტალიელმა ექს-ფორვარდებმა არც ერლინგ ჰოლანდი დატოვეს ყურადღების გარეშე:
კასანო: "ბაიერნს სურს ჰოლანდის გადმობირება. რეალი კი თავის მხრივ არ არის ლევანდოვსკის დამატების წინააღმდეგი. ორივე ტრანსფერი ლოგიკურ ნაბიჯად მიმაჩნია.
ვიერი: "როგორც ვიცით, ნორვეგიელი თავდამსხმელი მადრიდში გადავა. ეს არის 100%-იანი ინფორმაცია. მე ასე მითხრეს, თუმცა ცხადია, დაბეჯითებით ვერაფერს ვიტყვი. ვნახოთ, რა მოხდება.
კასანო: "ერლინგის გაფორმებით, "სამეფო კლუბი" მბაპეს დაემშვიდობება", - განაცხადა "ბლანკოსის" ყოფილმა შემტევმა. შეგახსენებთ, რომ გასულ ზაფხულს, "რეალი" მთელი ძალებით ცდილობდა სწორედ ფრანგის და არა დორტმუნდის "ბორუსიას" გოლეადორის გაფორმებას.
აქვე დავამატებთ, იმ შემთხვევაში, თუ კილიანი "პარი სენ-ჟერმენთან" არ გაახანგრძლივებს კონტრაქტს, 2022 წლის ზაფხულში ის თავისუფალი აგენტი გახდება. "შავ-ყვითლების" 9-იანის კლაუსულა კი 75 მილიონი იქნება.
