რეგრესი აშკარაა - რა შეფასება მიიღო კვარაცხელიამ ზენიტთან საშინელი მატჩის შემდეგ?

რუსეთის პრემიერლიგის მე-8 ტურის ცენტრალურ მატჩში ყაზანის რუბინი ქვეყნის ჩემპიონ ზენიტთან უშანსოდ, 1-3 დამარცხდა.

ალბათ, ყაზანის შემადგენლობაში ყოფნის პერიოდიდან ყველაზე სუსტი მატჩი ჩაატარა ქართველმა ნახევარმცველმა ხვიჩა კვარაცხელიამ, რომელიც შეხვედრის ყველაზე ცუდ ფეხბურთელად დასახელდა Sofascore-ს ვერსიით და 5.9 ქულა მიიღო.

"ხვიჩა კვარაცხელია ზენიტის წინააღმდეგ ბურთს 49-ჯერ შეეხო, გააკეთა 22 გადაცემა და აქედან 17 იყო ზუსტი, 77%. ამას გარდა, ქართველმა ნახევარმცველმა 15 ორთაბრძოლიდან მხოლოდ 4 მოიგო. 

20 წლის შემტევმა ზენიტის წინააღმდეგ ბურთი 20-ჯერ დაკარგა, რაც მისი რუბინში ყოფნის პერიოდში ანტირეკორდული მაჩვენებელია. 

ხვიჩა კვარაცხელიას პეტერბურგელების წინააღმდეგ 9-ჯერ ჰქონდა დრიბლინგის მცდელობა, რომლიდანაც მხოლოდ 2 იყო წარმატებული," - წერია Sofascore-ს სტატისტიკაში.

8 ტურის შემდეგ ყაზანის რუბინს სატურნირო ცხრილში მე-5 პოზიცია 14 ქულით უჭირავს.

ხვიჩა კვარაცხელიამ მიმდინარე სეზონში რუბინის მაისურით 8-ჯერ ითამაშა, 1 გოლი გაიტანა და ამდენივე საგოლე გადაცემა გააკეთა.

"გოლების მიუხედავად შესანიშნავი მატჩი ჰქონდა" - რას წერენ ვალენსიას ფანები მამარდაშვილზე?

"გამიხარდება, თუ შოთას ნაკრების მწვრთნელად ვნახავ" - კალაძე არველაძეზე