ავტორიზაცია
როდის გაუფორმებს ბარსელონა პედრის ახალ კონტრაქტს?
კატალონიის "ბარსელონა" ნახევარმცველ პედრისთან კონტრაქტის გახანგრძლივებას აპირებს და მხარეები პირობებზე უკვე შეთანხმდნენ.
როგორც გავლენიანი გამოცემა Sky Sports იტყობინება, ახალი ხელშეკრულება ოფიციალურად ოქტომბრის ბოლომდე უნდა გაფორმდეს.
ამჟამინდელ კონტრაქტში თანამშრომლობის კიდევ ორი წლით გაგრძელების პუნქტი მოქმედებს, თუმცა "ბარსაში" სურთ, რომ ესპანელმა ახალი სრულფასოვანი კონტრაქტი გააფორმოს. ამ გზით "ლურჯ-ბროწეულისფრები" პოტენციური მყიდველების დაფრთხობას გეგმავს.
შეგახსენებთ, 18 წლის ნახევარმცველი "ბარსელონას" ფეხბურთელი 2019 წელს გახდა, მის სანაცვლოდ "ლას პალმასმა" 20 მილიონი ევრო მიიღო. მიმდინარე სეზონში პედრიმ კატალონიური გრანდის მაისურით ჯერ მხოლოდ ოთხ შეხვედრაში ითამაშა.
