ბარსელონა უმტიტის გაშვების იმედს არ კარგავს - რა პოზიცია უკავია თავად ფეხბურთელს?
კატალონიის „ბარსელონა“ იმედოვნებს, რომ ფრანგი მცველის სამუელ უმტიტის გაშვებას ზამთრის სატრანსფერო ფანჯრის დროს შეძლებს.
Sport.es-ის ინფორმაციით, გუნდის მთავარმა მწვრთნელმა, რონალდ კუმანმა და აგრეთვე ხელმძღვანელობამ, უმტიტის შეატყობინეს, რომ მასზე არანაირ იმედებს არ ამყარებენ და უმჯობესია, რომ მან გუნდი დატოვოს.
„ბარსას“ სურს, მაქსიმალურად დიდი ფული დაზოგოს იმ ფეხბურთელზე, რომელიც კლუბის გეგმებში არ შედის.გასულ ზაფხულს „ბლაუგრანა“ უმტიტის გასხვისებას აქტიურადა ცდილობდა, თუნდაც ეს იჯარა ყოფილიყო.
თუმცა, 2018 წლის მსოფლიო ჩემპიონმა ყველა შემოთავაზება უარით გაისტუმრა, შემდეგ კი გუნდის პრეზიდენტ ჟოან ლაპორტას შეხვდა და აცრემლებულმა კიდევ ერთი შანსი ითხოვა.
ლაპორტამ უმტიტის ეს კიდევ ერთი შანსი მისცა და რონალდ კუმანს სთხოვა, ფეხბურთელისთვის სათამაშო დრო გამოენახა, თუმცა მწვრთნელი ამ სეზონში ფრანგს მაინც არ ენდობა.
