ტრავმირებული კარვახალის შემცვლელად რეალი ალექსანდერ-არნოლდს განიხილავს

"ლივერპულის" მარჯვენა მცველმა, ტრენტ ალექსანდერ-არნოლდმა კარიერა შესაძლოა მადრიდის "რეალში" გააგრძელოს, წერენ ესპანურ პრესაში.

გავრცელებული ინფორმაციით, "სამეფო კლუბი" ალვარო ოდრიოსოლას გამო წუხს, რომელიც ვერ ბრწყინავს, დანიელ კარვახალი კი ხშირად ტრავმიანობს.

ალექსანდერ-არნოლდი "ლივერპულის" აღზრდილია, მოქმედი ხელშეკრულების ვადა მას კლუბთან 2025 წლის ზაფხულამდე აკავშირებს.

Transfermarkt-ის ვერსიით, 22 წლის ფლანგის მცველის სატრანსფერო ღირებულება ამჟამად 75 მილიონ ევროს შეადგენს.

მოგეხსენებათ, ახალგაზრდა ფეხბურთელი უკვე რამდენიმე სეზონია იურგენ კლოპის გუნდის სასტარტო შემადგენლობის წევრია.

"რეალსა და პსჟ-ს შორის არჩევა მისთვის მშობლებს შორის არჩევის ტოლფასი იყო", - მბაპეს დედის ვრცელი ინტერვიუ შვილის მომავალთან დაკავშირებით

"სტერლინგი ჩემი კუმირია", - ალექსანდერ-არნოლდი