ალვეშის დაბრუნება ბარსელონაში? - რჩება ერთი გაურკვეველი დეტალი

როგორც მოგეხსენებათ, დანი ალვეშმა "ბარსელონაში დაბრუნების სურვილი ღიად დააფიქსირა. საინტერესო იქნება, ამ ფაქტთან დაკავშირებით კატალონიელთა პოზიციის გაგება.

Catalunya Radio-ს თანახმად, "ბლაუგრანას" ხელმძღვანელობას ჯერ არ გადაუწყვეტია, იქნება თუ არა ბრაზილიელი მარჯვენა მცველის დამატება მართებული გადაწყვეტილება.

"ლურჯ-ბროწეულისფრების" უფროსობის ნაწილი მის დაბრუნებას ემხრობა, ნაწილი კი არა. რაც არ უნდა იყოს, ფაქტია, "ბარსელონას" ყოფილი ვინგბექის ტრანსფერი არარეალური სულაც არ არის.

შეგახსენებთ, რომ 38-წლის განაპირა მცველი კატალონიაში თამაშობდა 2008-2016 წლებში და ამ დროის განმავლობაში მან ჩაატარა 391 შეხვედრა და გაიტანა 21 გოლი.

აქვე დავამატებთ, ალვეშის უკანასკნელი გუნდი იყო "სან-პაულუ", რომელიც მან ცოტა ხნის წინ დატოვა. "ბლაუგრანას" დატოვების შემდეგ, ბრაზილიელს ტურინის "იუვენტუსსა" და "პსჟ"-შიც უთამაშია.

სიტი დიდ თანხას ითხოვს, ბარსელონას სტერლინგის ტრანსფერის გაჩარხვა გაუჭირდება — MARCA

დანი ალვეში: "თუ ბარსა ფიქრობს, რომ ვჭირდები, მაშინ ეს ერთი ზარის საკითხია"