მანჩესტერ იუნაიტედში სოლსკიაერის შემცვლელად საუკეთესო კანდიდატი შეარჩიეს — ESPN
"მანჩესტერ იუნაიტედში" ოლე გუნარ სოლსკიაერი შესაძლოა "იუვენტუსის", "ჩელსის", იტალიის ნაკრებისა და "ინტერის" ყოფილმა მწვრთნელმა, ანტონიო კონტემ შეცვალოს.
"ეშმაკუნებისთვის" 52 წლის იტალიელი სპეციალისტის კანდიდატურა აქამდე პრიორიტეტული არ ყოფილა, რადგან ის თავისი მკაცრი ხასიათითაა ცნობილი. თუმცა, კლუბში აცნობიერებენ, რომ ხელმისაწვდომი ვარიანტებიდან საუკეთესო კონტეა.
თუ სოლსკიაერს გაათავისუფლებენ, მაშინ "ემიუ" კონტეს მიმართავს. თავის მხრივ, ამ უკანასკნელს "ეშმაკუნებში" მუშაობა აინტერესებს, მზად არის გუნდი გაწვრთნას, წერს ავტორიტეტული გამოცემა ESPN.
დიდი ხნის მანძილზე "იუნაიტედისთვის" ყველაზე სასურველი კანდიდატი "ტოტენჰემის" ექს-თავკაცი, მაურისიო პოჩეტინო გახლდათ, რომელიც ამჟამად "პსჟ"-ში მუშაობს. თუმცა, არგენტინელი ფრანგული კლუბიდან წასვლას არ აპირებს.
გავრცელებული ინფორმაციით, სოლსკიაერი "ემიუდან" შეიძლება პრემიერ ლიგის მომდევნო ტურში "ტოტენჰემთან" დაპირისპირებამდე გაუშვას.
"იუნაიტედმა" ბოლო 9 მატჩიდან 5 დათმო და პრემიერ ლიგაში 4-მატჩიანი მოუგებელი სერია აქვს. მანიკუნიანელები გუშინ "ოლდ ტრაფორდზე" "ლივერპულთან" (0:5) განადგურდნენ.
