რივალდომ მანჩესტერს მწვრთნელი ურჩია - "მან იცის, თუ რა არის პრესინგი და მაღალ ტემპში თამაში"
"ბარსელონას" ცოცხალმა ლეგენდამ, რივალდო ვიტორ ბორბა ფერეირამ "მანჩესტერ იუნაიტედის" მთავარი მწვრთნელი ურჩია. საკულტო ბრაზილიელი თავდამსხმელი ანტონიო კონტეს ვარიანტს ემხრობა.
"კონტეს ხელმძღვანელობით, იტალიის ნაკრები, იუვენტუსი, ინტერი და ჩელსი მაღალი დონის ფეხბურთს თამაშობდა. მან იცის, თუ რას ნიშნავს დიდ გუნდში მუშაობა.
ამის გარდა, ანტონიომ ლონდონელებს ხომ პრემიერ ლიგა მოაგებინა. ის მანჩესტერს გახდის უფრო მრისხანეს, ცივსისხლიანს და მაღალ ტემპში მოთამაშე გუნდს. დიახ, იტალიელს ეს ყველაფერი შეუძლია.
ისიც გაითვალისწინეთ, რომ ის ემხრობა პრესინგს, რასაც დღევანდელი იუნაიტედის თამაშში ვერ ვხედავთ", - განაცხადა კატალონიური კლუბის ეპოქალურმა შემტევმა.
შეგახსენებთ, "არისტოკრატების" ყოფილი სპეციალისტის დანიშნვა აქტუალური გახდა მას შემდეგ, რაც "წითელი ეშმაკები" "ლივერპულთან" ანგარიშით 0:5 განადგურდნენ.
