"მანჩესტერისთვის ნომერ პირველი კანდიდატია", - ბერბატოვმა იუნაიტედისთვის მწვრთნელი შეარჩია
"მანჩესტერ იუნაიტედის" ყოფილმა თავდამსხმელმა, დიმიტარ ბერბატოვმა თავის ექს- გუნდს მთავარი მწვრთნელი ურჩია. ვეტერანი ბულგარელი ფორვარდისთვის ფავორიტი ანტონიო კონტეა.
"კონტემ ჩელსი და ინტერი ჩემპიონები გახადა. ის არის რეკორდსმენი და საოცრად მშრომელი სპეციალისტი, რომლის მეთოდების შესახებ ბევრი რამ მაქვს გაგონილი.
ანტონიომ ძალიან კარგად იცის, თუ რას ნიშნავს პრემიერ ლიგაში მუშაობა და ჩემპიონობა, მის შესახებ ყველა საუბრობს. იტალიელ სპეციალისტთან ერთად, მანჩესტერი უფრო დისციპლინირებული გახდება.
ფეხბურთელებს სწორედ ასეთი ტაქტიკოსი სჭირდებათ. მას აქვს შედეგები და რეპუტაცია, ჩემთვის ის ნომერ პირველი კანდიდატია", - განაცხადა "ეშმაკუნების" ექს-შემტევმა.
შეგახსენებთ, რომ ტურინის "იუვენტუსის" ყოფილი მწვრთნელის სახელი "მანკუნიანელებს" "ლივერპულთან" ანგარიშით 0:5 განადგურების შემდეგ დაუკავშირეს.
