მესი: "მენატრება თუ არა ბარსელონა?"
"პარი სენ-ჟერმენის" თავდამსხმელმა, ლიონელ მესიმ Sport-თან საუბარში "ბარსელონა" გაიხსენა. არგენტინელი ფორვარდი გამოტყდა, რომ კატალონიური კლუბი მას ენატრება.
"მენატრება თუ არა ბარსელონა? სიმართლე გითხრათ კი, თანაც ძალიან. მე ხომ დიდი ხნის განმავლობაში ერთ ადგილზე ვთამაშობდი და ვცხოვრობდი. ეს კლუბი ჩემთვის ყველაფერი იყო.
წლების მანძილზე ერთი განრიგი, ერთი გასახდელი, ერთი სავარჯიშო ცენტრი - კატალონია უბრალოდ ზეპირად ვიცოდი. პარი სენ-ჟერმენში გადმოსვლით ყველაფერი შეიცვალა.
ახლა სხვა ცხოვრება მაქვს, თუმცა ვერ ვიტყვი იმას, რომ აქ მე და ჩემი ოჯახის წევრები ბედნიერები არ ვართ", - განაცხადა "პსჟ"-ს შემტევმა, რომელმაც "ბლაუგრანა" უფასოდ დატოვა.
შეგახსენებთ, 34-წლის ბომბარდირი "ლურჯ-ბროწეულისფრებში" თამაშობდა 2004-2001 წლებში, იქამდე კი 2000 წლიდან, მთავარ გუნდში მოხვედრამდე, ის კლუბის აკადემიაშიც ირიცხებოდა.
აქვე დავამატებთ, პარიზში გადასვლის დღიდან, "უცხოპლანეტელმა" ჩაატარა რვა შეხვედრა, რომელშიც სამი გოლის გატანა მოახერხა. ცნობისთვის, "ლურჯ-წითლების" 30-იანს ლიგა 1-ში ჯერ არ გაუტანია.
