ავტორიზაცია
"ლივერპულში თამაში არის ნებისმიერი ფეხბურთელის ოცნება, მათ შორის ჩემიც", - ჟირუ
"მილანის" ვეტერანი თავდამსხმელი, ოლივიე ჟირუ გამოტყდა, რომ ის წარსულში დიდი სიამოვნებით ითამაშებდა იურგენ კლოპის მიერ გაწვრთნილ "ლივერპულში".
"მინდა ავღნიშნო, ლივერპულს ჰყავს შესანიშნავი გულშემატკივრები, ატმოსფერული სტადიონი და დიდებული მწვრთნელი, რომელმაც ნამდვილი შეუჩერებელი მანქანა შექმნა.
არავინ იტყოდა ამ გუნდში გადასვლაზე უარს, მათ შორის მეც, ვაღიარებ. მერსისაიდული გუნდი ევროპაში საუკეთესოა და ამას ისინი პრაქტიკულად ყოველ მატჩში ამტკიცებენ".
შეგახსენებთ, რომ ფრანგ ფორვარდს პერიოდულად უწევდა "წითლების" წინააღმდეგ თამაში მაშინ, როდესაც ის ლონდონის "ჩელსისა" და "არსენალის" ღირსებას იცავდა.
აქვე დავამატებთ, რომ "არისტოკრატების" ყოფილი შემტევი "როსონერიში" გასულ ზაფხულს გადავიდა თავისუფალი აგენტის სტატუსით, ანუ სრულიად უფასოდ.
