"ეს არის ბარსელონას პირველი სეზონი მსოფლიოს საუკეთესო ფეხბურთელის გარეშე, გვაცალეთ", - ლაპორტა
"ბარსელონას" პრეზიდენტმა, ხოან ლაპორტამ თავისი კლუბის მიმდინარე სეზონში წარუმატებელ ასპარეზობაზე ისაუბრა. შეგახსენებთ, პირველად 2001 წლის შემდეგ, კატალონიელები ჩემპიონთა ლიგის ჯგუფში ჩარჩნენ.
"არავითარ შემთხვევაში არ უნდა დაგვავიწყდეს, რომ მესის გარეშე ეს პირველი წელია. ჩვენ დავემშვიდობეთ მსოფლიოს საუკეთესო ფეხბურთელს. ეს არ არის ადვილი.
სწორედ ამიტომ ავირჩიეთ ხავი, რომელიც კარგად იცნობს ბარსას ატმოსფეროსა და სტილს. ეს იმას ნიშნავს, რომ ხავი ენდობა თავის სტუდენტებს, რადგან მან თავად დატოვა ჩვენი აკადემია და მიაღწია პირველ გუნდს, რომელშიც დიდი ჩემპიონი გახდა.
როგორც მწვრთნელმა მან იცის ბარსას სტილი და ფილოსოფია. ეს არ არის ადვილი საქმე, რადგან ყველამ ვიცით, რომ ფეხბურთი დროს არ გაძლევს. ჩვენ ვიღებთ ამას.
მოკლევადიან პერსპექტივაში ჩვენ გვჭირდება ახალგაზრდების ნაზავი გამოცდილ მოთამაშეებთან. ისინი ყველა უნდა იყვნენ მაღალი კლასის. ისეთ კლუბში, როგორიც ბარსაა, მათ ეცოდინებათ, თუ როგორ გაუმკლავდნენ ზეწოლას", - განაცხადა ლაპორტამ Tuttosport-თან ინტერვიუში.
