"სალაჰს თუ არ ჩავთვლით, პრემიერ ლიგაში საუკეთესოა", - ჰარგრივზმა სიტის ფეხბურთელი შეაქო
"მანჩესტერ იუნაიტედის" ყოფილი ნახევარმცველი, ოუენ ჰარგრივზი ფიქრობს, რომ "მანჩესტერ სიტის" შუახაზელი, ბერნარდუ სილვა პრემიერ ლიგის საუკეთესო ფეხბურთელია, თუ "ლივერპულის" თავდამსხმელ მოჰამედ სალაჰს არ ჩავთვლით.
"ნამდვილად. მო სალაჰი მაიკლ ჯორდანივით რომ არ თამაშობდეს... მაგრამ ეს მხოლოდ იმას ამტკიცებს, რამდენად კარგია სილვა".
"ალბათ, ბერნარდუს ხუთ პოზიციაზე შეუძლია კარგად თამაში, თანაც თანაბრად. ცენტრალური თავდამსხმელი, "ათიანი", "რვიანი", მარცხენა ფლანგი, ფლანგზე მაქსიმალურად ფართოდ ასპარეზობა... პეპისთვის იდეალური ფეხბურთელია. ბრწყინვალეა ბურთის ფლობაში".
"თანამედროვე ტიპის "ათიანია". პრესინგის თვალსაზრისით, კანტეს დონეზეა. აი, რამდენად კარგია. მომენტებსაც წარმოუდგენლად კარგად იყენებს", - თქვა ჰარგრივზმა BT Sport-თან ეთერში.
შეგახსენებთ, 27 წლის პორტუგალიელი "მანჩესტერ სიტის" ღირსებას 2017 წლის ზაფხულიდან იცავს, გუნდს იგი "მონაკოდან" შეუერთდა.
