ავტორიზაცია
რა შემთხვევაში გადაერთვება ბარსელონა სანჩესზე?
მილანის "ინტერის" გამოცდილმა თავდამსხმელმა, ალექსის სანჩესმა შესაძლოა კარიერა "ბარსელონაში" გააგრძელოს, რომელშიც ის 2011-2014 წლებში უკვე ისედაც ასპარეზობდა.
As-ის ცნობით, კატალონიელები ჩილელი ფორვარდის ტრანსფერს განიხილავენ იმ შემთხვევაში, თუ "მანჩესტერ სიტის" ნახევარმცველ, ფერან ტორესის ტრანსფერზე ვერ შეთანხმდებიან.
იმის გამო, რომ "ბლაუგრანამ" ესპანელი ფეხბურთელის ტრანსფერის ღირებულების საკითხი ჯერ ვერ მოაგვარა, ალტერნატივის მოძიების საჭიროებაც გახდა აქტუალური.
მიმდინარე სეზონში სანჩესმა სერია A-ში 10-ჯერ ითამაშა და ერთი გოლი გაიტანა. ჯერჯერობით უცნობია, თუ რა პოზიცია უკავია თავად ჩილელ თავდამსხმელს ამ ყველაფერში.
