"კვარაცხელია ყველაზე ახლოს პრემიერ ლიგის გუნდში გადასვლასთან არის", - რუსული პრესა
Sportkp.ru-მ ყაზანის "რუბინის" გარემარბი, ხვიჩა კვარაცხელია დაასახელა რუსეთის პრემიერ ლიგის იმ ხუთ ფეხბურთელს შორის, რომელიც მალე დიდი ალბათობით გუნდს გამოიცვლის.
"კვარაცხელია დიდი ხანია რუსული სატრანსფერო ბაზრის ყველაზე გემრიელ ლუკმად ითვლება. ჭორებს თუ დავუჯერებთ, მასზე ევროპული ფეხბურთის თითქმის ყველა გრანდი ნადირობს.
ბარსელონასა და იუვენტუსის მსგავსი გუნდებისგან რეალური წინადადება ჯერ არ ყოფილა, სამაგიეროდ, ამ ზამთარში, ხვიჩა შესაძლოა პრემიერ ლიგაში აღმოჩნდეს.
ინგლისში წერენ, რომ ამ ფეხბურთელით პრემიერ ლიგის მინიმუმ სამი კლუბი ინტერესდება - ევერტონი, ვესტ ჰემი და საუთჰემპტონი, ტრანსფერთან ყველაზე ახლოს კი ლივერპულელები არიან.
კლუბს ალიშერ უსმანოვთან მჭიდრო კავშირი აქვს - სწორედ ეს არის მერსისაიდელებისა და ქართველი გარემარბის სიახლოვის მიზეზი", - წერს რუსული გამოცემა.
