ავტორიზაცია
"იუვენტუსის მაქსიმუმი ამ დროისთვის ოთხეულში მოხვედრაა", - ალეგრი
ტურინის "იუვენტუსის" მთავარმა მწვრთნელმა, მასიმილიანო ალეგრიმ თავისი გუნდის ამჟამინდელ მდგომარეობასა და მიზნებზე ისაუბრა. შეგახსენებთ, "სინიორა" სერია ა-ში ამჟამად მე-5 ადგილზეა.
"კალიარიმ ითამაშა ჩაკეტილი ფეხბურთი, ამიტომ მორატას გარკვეული სირთულეები შეექმნა მოწინააღმდეგის საჯარიმოში. როცა კინი ცენტრში გადავიდა, იუვენტუსმა სახიფათო მომენტების შექმნა და გოლის გატანა მოახერხა.
ამ მატჩისთვის მზადების დროს ბიჭებმა შორ მანძილზე დარტყმებში ივარჯიშეს. მოთამაშეებს, როგორიც არის რაბიო და მაკენი, შეუძლიათ და უნდა გაიტანონ მეტი გოლი.
მიხარია, რომ შევძელით მიმდინარე წლის გამარჯვებით დასრულება. იანვარში გავაგრძელებთ ბრძოლას ოთხეულში მოსახვედრად", - აღნიშნა მასიმილიანო ალეგრიმ, სერია ა-ს მე-19 ტურის მატჩის ბოლო სასტვენის შემდეგ.
