იუვენტუსის სატრანსფერო სიაში 7 თავდამსხმელი ფიგურირებს
მიმდინარე წლის ბოლო მატჩებში ვიხილეთ ალვარო მორატასა და მოიზე კინის გოლები, თუმცა, "იუვეს" შეტევას ხარისხი მაინც აკლია. კლუბის ხელმძღვანელობა იანვარში თავდასხმის ხაზის გაძლიერებას აპირებს.
Tuttosport-ის ცნობით, კლუბმა ხუთი თავდამსხმელი შეარჩია, რომლებიც შესაძლოა მომავალ თვეში გამოჩნდნენ გუნდში. სიაში პირველ ნომრად მაურო იკარდი რჩება.
"პსჟ"-ს თავდამსხმელი უკმაყოფილოა ფრანგულ კლუბში თავისი როლით და იმედოვნებს, რომ სერია ა-ში კარიერის განახლებას შეძლებს. "არსენალიდან" პიერ-ემერიკ ობამეიანგის კანდიდატურაც განიხილება.
სხვები - თავდამსხმელები მაშინვე ცდილობენ "მანჩესტერ იუნაიტედის" დატოვებას მას შემდეგ, რაც მათი სათამაშო დრო კრიშტიანუ რონალდუს დაბრუნებით შემცირდა.
საუბარია ანტონი მარსიალზე და ედინსონ კავანიზე. ბოლოს, ალექსანდრ მიტროვიჩი - სერბი ცენტრფორვარდი, რომელიც ამჟამად პრემიერ ლიგის "ფულჰემში" თამაშობს.
დუშან ვლაჰოვიჩი და ჯანლუკა სკამაკა კლუბის მთავარ სამიზნეებად რჩებიან, თუმცა, ორივე ფეხბურთელი "იუვენტუსისთვის" მხოლოდ ზაფხულში იქნება ხელმისაწვდომი.
